O Festival Internacional de Documentais de Melgaço promove o cinema etnográfico e social
Terá lugar entre o 2 e o 7 de agosto de 2014
Filmes do Homem, Festival Internacional de Documentário de Melgaço, pretende promover e divulgar o cinema etnográfico e social, mediante a proxección de filmes sobre identidade, patrimonio, territorio e memoria.
A súa programación está marcada por tres eixos principais:
O tema anual, nesta edición é a Emigración cara a Francia, supón o punto de partida para un seminario que promove a reflexión e o intercambio de ideas entre os participantes.
Unha programación elaborada a partir dunha mostra competitiva con filmes selecionados en función do tema central, amais de filmes convidados.
En cada edición prodúcense contidos audiovisuais sobre a rexión.
Este festival conta co apoio e colaboración de varios grupos de investigación vencellados á diversas Universidades do espazo lusófono. Entre eles figuran DIVERSITAS da Universidade de Sao Paulo, LABCOM da Universidade da Beira Interior, CEMRI da Universidade Aberta e o Grupo de Estudos Audiovisuais (GEA)da Universidade de Santiago de Compostela.
Pódese consultar as actividades programadas no site do festival.
